Wanti Warsa Saka Truna Truni
Kaping ajeng, majeng ring Murdani
Jagat utawi sane dahat wangiang titiang, kaping kalih, majeng ring para Prajuru
sane sampun rauh ring banjar iriki sane baktinin titiang, taler para yowana
lanang istri miwah Saka Truna-Truni sane tresna sihin tiang. Sadereng titiang
matur atur pinih riin ngiring iraga sareng sami nyakupang lima tur nunas ica
ring Sang Hyang Widhi Wasa malarapan antuk Panganjali umat.
“om swastyastu”.
Pinih ajeng ngiring iraga sareng
sami nyinahang rasa angayu bagia ring ida hyang parama kawi, duaning sakaning
pasuwecan ida, titiang rumasa ring manahe puniki gargita pisan duaning ring
galahe puniki titiang purun nglanturang amatra pidarta ngangge bahasa bali.
Gumantine pacang matetujon ngelestariang basa baline puniki mangda asri ring
jagate puniki. Pemekas ring sajeroning pacang ngawerdiang basa bali lan sastra
baline.
Para atiti sane wangiang titiang, sadereng titiang ngelanturang indik Saka
Truna Truni sane ngelaksanayang wanti warsa kaping roras tiban, dumogi acara
sane kelaksanayang mangda ngemargiang sane becik, ten ngemangguhan punapa
punapi ring acara puniki, kenten pinunas titiang majeng ring ida sang hyang
widhi wasa, sakadi sane munggah ring tatua agama hindu sane kalanturang “
Rwabhineda miwah Tatwam Asi”, mangda
sida iraga Bakti majeng para yowana lanang istri ring jagat puniki, ring acara
wanti warsa Saka Truna Truni punika mangda iraga sareng sami patut nuenan
pekarya sane becik ring masyarakat utawi membangun masyarakat sane becik,
sawirah iraga sane cerik-cerik ngewarisin budaya ring desa puniki, ring dina
mangkin, iraga saka truna-truni sepatutnyane nunas mangda Saka Truna Truni
puniki nuenang sane becik ring masyarakat lan ngelestarian budaya sane wenting
ring desa puniki, sawireh saka truna-truni puniki teladan sane patut kacingakin
olih para sisia sane durung kasambat saka truna truni, lan sareng-sareng nuenan
desa utawi banjar puniki sane becik miwah ajeg.
Wenten tetujoan ring Saka Truna Truni punika nenten boya sios mangda iraga
prasida ngamijilang Saka Truna Truni sane prasida mewiguna majeng ring Bangsa
lan Negara. Lan prasidayang ngamijilang jadma sane madue keweruhan miwah
kawigunan sekadi mangkin. Yening sampun sakadi sapunika parindikan lan
laksananne prasida pacang kapangguh daging tatujon Saka Truna Truni mangda
prasida ngawetuang jadma sane kaapti pamekas ring masyarakat keluarga mangda
nyarengin sane kaanut ring sumber daya manusia. Inggih para atiti sinamian sane
wangiang titiang, cutet daging pidarta sane kaaturan titiang punika, sane
ngindikin mangda Saka Truna Truni majeng ring wanti warsa sane kaping roras
tiban majalan becik lan ajeg. Tetujon iraga mangdane pinaka saka truna truni
prasida bakti tur nyinggihang sakadi ketah kalanturan “Hormat”. Mangda
nyidayang singgih ring murdani jagat ring masyarakat lan majeng ring Guru
Wisesa inggih punika ring Guru Swadiaya utawi Ida Sang Hyang Widhi Wasa, inggih
para atiti sane singgihin titiang, wantah asapunika sane prasida kalanturan
titiang ring parindikan Wanti Warsa Saka Truna Truni puniki. Menawi nenten
kirang lakung sane kelanturan titiang nunas gengrena sinampura majeng ring
murdani jagat lan para prajuru miwah para yowana lanang istri taler Saka Truna
Truni ida dane sinamian, Sane sampun prasida
mirangan pidarta titiang puniki. Dumugi Ida Sang Hyang widhi Wasa setata
ngicenin iraga sareng sami kerahayuan.
Asapunika pamuput aturang titiang.
Nenten lali titiang ngaturang
suksemaning manah. Saha ngaturang Paramasanti.
“Om Shanti Shanti Shanti Om
Tidak ada komentar:
Posting Komentar